春遊日本.點止櫻花咁簡單

春臨大地百花艷,2月起都係賞花季節。除了港人最愛的櫻花。亦會去到九州、櫪木及北海道欣賞近年大熱的紫藤花。另更精選去睇CNN評選為「日本絕美景點」450萬朵粉蝶花做成的藍色夢幻花海。如此色繽紛的春天,立即計劃去邊度賞花啦按此!

伊豆河津櫻.早櫻縱放

粉紅色的浪漫令人憧憬。日本櫻花由南開至北,但原來唔同的櫻花品種又會有少少分別,就好似每年都會比較早開的河津櫻,2月頭會於靜岡伊豆按此率先綻放,所以又有「日本第一櫻」稱。河津櫻係大島櫻和寒緋櫻的混種,叫得混血兒當然特別靚啦,所以每年都會有好多人特意前往賞花。

九州.花の王國

3月中左右靠近南面的九州亦開始展現花蹤,福岡太宰府天滿宮、大分湯布院都係賞櫻熱點,但不可不提的當然仲有長崎「豪斯登堡」,你以為果度只係有鬱金香,當然唔止啦!豪斯登堡由3月起開櫻花,4月中到鬱金香,然後4月尾到玫瑰花,之後仲有繡球花,唔同嘅花輪流盛放,直情係花之王國按此

近年打卡大熱莫過於紫藤花,而在福岡八女市黑木町素盞鳴神社內的紫藤花祭特別受歡迎,除左因為廣受傳媒報導,亦都因為佢擁有超過600年以上樹齡,如們依然強健生長綻放垂吊著一串串超過1米的壯觀紫色花萼,以「長壽紫藤」之名為全日本所知,更被指定為國家天然記念植物。這裡的藤棚總面積達3,000平方米。素盞鳴神社所公奉的是日本神道教的素盞鳴尊,即係古事記內斬殺八岐大蛇為民間帶來幸運果個大神,同妻子櫛稻田姫命都係愛情神,黎到就要順便參拜喇!按此

瀨戶內海と四國花見

同九州一樣,3月中起瀨戶內海一帶亦會開始賞櫻,亦即係四國及山陰山陽一帶按此。若果你幾會前往四國小編會推介前往現存十二天守之一的「松山城」,登上天守閣居高臨下一覽西日本最高峰的石鎚山和伊予灘的米芝蓮2星級景觀。然後跨過瀨戶大橋到岡山,去日本三大名園之一,同時得到米芝蓮三星最高評價的「後樂園」散策賞櫻,記的要去埋旁邊的岡山城,登上天守閣一覽全景。

若你會去埋廣島,除左廣島城同和平公園外,強列推介前往宮島,果度嘅「嚴島神社」的海中大鳥居係日本三大景之一,同時列入世界文化遺產,位於海上的大鳥居,當潮退的時候你可以行過去大鳥居底下近距離欣賞。但要留意大鳥居將於今年6月進行大約1年的大維修,所以要把握今年呢次機會喇按此

返鄉下の關西大阪

關西係香流人最熱門的賞櫻地點的相信無人會反對,隨時你仲熟過小編。關西地區嘅中心地就係你我差不多每年都會返去行下嘅大阪按此。 今年花期預計係3月尾到4月中,從大阪出發,無論係想去京都嵐山或者清水寺(溫馨提示:清水寺正進行50年一度的大維修,清水舞台展望台會在修葺期關閉,但仍可通行),定係去奈良探下鹿仔,還是去神戶六甲山按此,只要乘坐JR鐵路就可以方便輕鬆快捷到達按此。如果想有啲新意,不如去京都美山,佢同白川鄉一樣係日本現存三大合掌村之一按此。想去遠D,可以JR新幹線去兵庫縣,於姬路駅落車,步行15分鐘去現存十二天守之一嘅「姬路城」按此。又稱白鷺城,同熊本城、松本城合稱日本三大名城,更加係日本政府指定國寶、國家特別史跡,同埋首批世界文化遺產。

正所謂「去旅行,懶到盡」,自遊行去大阪,想去遠啲又怕轉車轉到傻,不如參加「奈良京都3日本地遊」,幫你Plan好行程,大阪市區專車接送,仲包埋當中2晚酒店,更可以選擇廣東話導遊,絕對係「正」!!按此

北陸能登.春之四重奏

從大版出發,我地仲可以坐JR去到鄰近的名古屋,當然你都可以在香港坐直航航班直飛當地啦按此。 從名古屋以中心出發,我地可以去玩日本中部昇龍道路線。北上可以直上北陸地區富山県開始玩 按此,4月開始處處花見,必到世界文化遺產「五箇山.合掌村」的童話秘景,仲有賞櫻名所百選的「高岡古城」。再乘坐遊船在「庄川峽」峽谷中賞櫻。再加插「礪波鬱金香四季彩會館」,欣賞優美多彩的花田,唔講你唔知,鬱金香其實富山県的縣花,佢嘅鬱金香球根產量係全日本第一。 而今年強列推介的春日賞花秘境係富山縣朝日町最著名代表性風景「春之四重奏」。背景係北阿爾卑斯朝日岳的雪,中景係600米長280株的染井吉野櫻,而眼前係綿延展開的油菜花、鬱金香花田,白粉黃紅四色繽紛交錯,就似一場盛大的春天四重奏 按此

三重伊勢.和歌山

而南下的話,我地可以去玩三重伊勢同和歌山一帶。伊勢神宮係must go point,除左因為令人著迷的櫻花,佢仲係日本是最重要的神社之一,同京都平安神宮、東京明治神宮並列為日本三大神宮。2016年《G7峰會》更被日本首相安倍晉三選為迎接各國首腦之地點。而和歌山方面,除左日本3大古泉的白濱溫泉外按此,當然仲要去世界文化遺產的「熊野本宮大社」,呢度仲得到米芝蓮最高評價三星景點,而鄰近的「熊野那智大社」同樣獲得米芝蓮推介,旁邊的「那智瀑布」更係到日本三大瀑布之一落差最大的一個 按此。當然去得呢便記得去食出名嘅伊勢海老,同埋探下伊勢海女 按此

立山黑部.上高地

「立山黑部」係昇龍道中一個不可錯過的期間限定景點,每年冬季都會因大雪而封山,直至翌年4月中先會開山。開山後到5月底前,更可以睇到因開山鏟積雪鏟開路而所形成兩邊高達20米的「雪之大谷」奇景。由於需要乘坐6種不同交通工具橫越2400公尺的阿爾卑斯的立山的壯麗山岳,如果計劃前往記得先上網買乘車券,咁就更加方便喇按此。 而4月開始,除左櫻花開始綻放,漫山小花亦慢慢從雪中鑽出來感受春天的和暖。鄰近的「上高地」將緊接於5月起開櫻花,上高地的平假名「かみこうち」有神降臨之地的意思,剩係聽個名都已經充滿仙氣;穗高連峰中間的梓川貫穿日本的名作家芥川龍之介筆下的河童橋,大正池與明神池倒映著日本阿爾卑斯,北邊係穗高連峰,南部則有燒岳,盛開櫻花加上醉人景色,呢啲咪就係仙氣囉!按此

關東の櫻紅と藍調

玩完關西去到關東,關東即係沿東京附近的週邊地區,大約3月尾開始見到櫻花,東京身為香港人另一個鄉下,都內新宿御苑、目黑川、上野、六本木、井之頭等賞櫻點我相信你都好熟識,不如我推介下附近縣份丫。坐JR到神奈川縣小田原駅,落車行10mins就可以去到關東少見的古城,1417年建造日本國家指定遺跡的「小田原城」。此城規模比豐臣秀吉時代(1537~98)的大阪城更大,而且更曾擊退了戰國名將武田信玄和上杉謙信的軍勢,極為出名。

另一個有名嘅城址公園,我會推介千葉縣佐倉城址公園,坐京成電鐵本線到京成佐倉駅行20mins就到,公園有超過1000顆共48個品種嘅櫻花樹,壯觀非常。或是去千葉縣野田市賞櫻百選嘅清水公園,乘坐東武鐵道野田線,於清水公園駅落車行20mins左右,沿路都開滿櫻花,園內有超過2000顆非常密集嘅櫻花樹,最出名一顆名為「劫初之櫻」,係從百年枯木上長出新芽重生盛開。園內仲有小馬牧場與兒童樂園等,最啱親子賞花同樂。按此而關東地區最受矚目莫過於山梨縣嘅富士河口湖芝櫻祭,今年於4.13~5.26舉行,園內80萬芝櫻在富士山下綻放。你可以在新宿到大月轉乘特急到河口湖駅(約1hrs45mins),或者於活動期間從新宿坐直達會場的高速巴士(約2hrs25mins),詳情可睇返官方網頁。 按此按此

特別推介,不停被櫻色包圍,轉個角度,睇下藍色花海丫!位於茨城縣嘅「日立海濱公園」,於4月頭開始開櫻花,頭上都係滿滿嘅粉紅色;而到4月中緊接係450萬朵藍色粉蝶花所形成嘅夢幻藍花海。,更俾CNN 的評選為日本 31 個絕美景點次一,不可思議的絢麗景色,你更可以乘坐特色觀景火車輕鬆睇靚景!同時期園內仲有油菜花同鬱金香添!!坐JR常磐線到勝田站搭約15分鍾巴士就到喇!!按此

陸奧.出羽.越後

「陸奧.出羽.越後」係日本東北地區的古稱,「陸奧」等於現今青森、岩手、宮城、福島,「出羽」就係秋田及山形,而「越後」即係新潟,雖然係古稱,但都經常會聽到同用到,例如:新潟出產著名白米「越光米」就係「越後之榮光」的意思。而JR由福島開出,途經山形、秋田到達青森的路線就係用「陸奧.出羽」合稱為「奧羽本線」。

東北地區大約4月中開始有櫻花,如果你坐JR「奧羽本線」,可以先走走福島豬苗代湖附近的幾個著名賞櫻地點:大內宿、亀ヶ城跡、三春滝櫻、觀音寺川等,然後乘坐新幹線到山形,山形賞櫻當然推介「霞城公園」啦!JR山形站行過去只需10mins,位於日本罕見「輪郭式平城」山形城內,公園有超過1500株的櫻花樹,夜晚更打燈,俾遊客欣賞夜櫻。另外推介仲有賞櫻百選嘅「鶴岡公園」和「烏帽子山公園」。

緊接山形後,小編建議2個東北JR方案俾你:按此

1.) 東岸北上6縣全走:山形 > 宮城(西公園夜櫻、松森城跡、龜岡八幡宮) > 岩手(高松公園、北上展勝地) > 秋田(角館、千秋公園、大潟村油菜花) > 青森(弘前公園、芦野公園、櫻花道) > 札幌/東京(機場回港點)

2.) 西岸悠閒去青森: 山形 > 秋田(角館、千秋公園、大潟村油菜花) > 青森(弘前公園、芦野公園、櫻花道) > 札幌/東京(機場回港點)

3.) 南下新潟遊北陸:山形 > 新潟(大河津、高田公園、海潮寺) > 北陸富山地區

當然如果你想更加懶,跟團梗係一個好選擇啦 按此

極北の櫻.北海道

由南到北,穿過津輕海峽便到達北海道,呢道係日本最遲開櫻花嘅地方,櫻期大約係4月中至6月頭,由南面函館、登別、札幌、小樽,中部富良野、旭川,到北面網走、知床一帶,追逐極北之櫻按此

函館「五稜郭公園」係江戶時代建造嘅一個星形要塞城郭,從園內五稜郭塔90 米高展望台居高臨下,就可以俯瞰五稜郭呢粒粉紅色六芒星形。而去到登別當然要去浸溫泉啦,而從JR 登別站至登別溫泉條路,就係極出名嘅「登別櫻並木」約8km的道路兩旁種植著約2000棵櫻花樹,被譽為「花之隧道」。 去跟住路線到北海道首府,札幌不可不提當然仲有「圓山公園」同埋裏面嘅「北海道神宮」呢兩個賞櫻名所,明治二年(1869)明治天皇下詔在東京舉行祀奉守護北海道開拓事業三大神明儀式,其後開拓使長官親自將祀奉「開拓三神」轉移到札幌,其後合祀明治天皇,就成為今日嘅「北海道神宮」。園內有超過1400棵櫻花。染井吉野櫻、八重櫻、大山櫻、千島櫻等等,仲有有北海道產珍貴的枝垂櫻,而且有約250棵梅花同時綻放,可以一次滿足你兩個願望。只要從札幌地下鐵圓山公園站落車行5mins就到按此

去到旭山,除左要去動物園,我地仲要去「旭山公園」,呢度係北海道最受歡迎嘅賞櫻點之一,園內栽種著約3500棵櫻花,同家人朋友同遊熱鬧的櫻祭。雄偉壯麗嘅「層雲峽」同米芝蓮3星級景點「阿寒湖」外,特吃推介不可錯過的「東藻琴芝櫻公園」,芝櫻又稱為地上櫻花,除左前文提及嘅「富士河口湖芝櫻祭」外,呢度都係全日本最靚嘅觀賞芝櫻地點之一,漫山遍野的芝櫻為山坡披上一層粉紅色的地毯。最後去埋阿努語中有大地盡頭的意思嘅世界自然遺產「知床半島」,呢度有全日本中保留得最為完整嘅原生環境,所以亦被認為是日本最後秘境按此

; ;