出發.北海道

自明治時期實施廢藩置縣政策後,日本分區為一都一道二府四十三県,而其中的一道就係指北海道。北海道係日本最北的陸地,亦係最大的行政區,更係日本的糧食基地,自給率達到173%,絕對係日本第一的美食寶庫。地理上一般會分為道南、道央、道北、道東四個地區,而我地坐飛機一般就係從道央新千歲空港開始旅程。

 

滑雪快感

北海道的冬天是白雪王國,首選限定活動當然係滑雪啦。但滑雪場的選擇十分多,當然係要揀清楚。小編首選推介「KIRORO滑雪場」由國際品牌star.wood管理當然有保證,仲有另一間「二世古HILTON-VILLAGE滑雪場」,兩個場都位於多雪區域,更有超過20條以上的優質粉雪雪道,更可以住喺滑雪區內溫泉酒店,直情行出房門就可以準備滑雪超方便。 想住好啲的話,推介多兩間享受級溫泉滑雪度假酒店俾你,「CLUB-MED-SAHORO滑雪度假村」,CLUB-MED品牌當然有保證,而且今年11月才全新裝修翻新,鬆滑的粉雪及豐厚雪量和總長27km的雪道,成為日本最受歡迎的滑雪勝地。 洞爺湖最頂級「WINDSOR-TOYA」溫泉滑雪度假酒店,獲米芝蓮5亭閣評級,座落於能一覽洞爺湖及內浦灣美景的山丘上。2008年作為G8主要會場,世界各國元首亦下榻此處,SNOW-VILLAGE 毗鄰酒店,非常便利。優質粉雪,雪道平滑,坡度小,非常適合初學者。。

期間限定.祭典と活動

「札幌雪祭」係每年最令人期待的冬日祭典,大大細細冰雪雕像,數量多達幾百座。「小樽雪燈の路」亦絕對令你心心眼,無論於運河上的玻璃水燈、街旁路燈,還是路旁的心型蠟燭燈座,燈光透過白雪顯出極浪漫氣氛。 凍冰冰當然要玩凍冰冰嘅活動,駕駛「雪上電單車」於雪原上巡自由航奔馳,「極低溫體驗」濕毛巾變冰柱,「流冰上漫步」,到1月中左右仲有極震撼「破冰船」。

 

冬日美食寶庫

冬天去北海道當然要食蟹,春夏季食花咲蟹,而踏入冬季就當然係每年只有兩個月捕撈期,4種帝王蟹中最珍貴的「鱈場蟹」。鱈場蟹盛產於鄂霍次克海一帶,以粗壯而肉質飽滿的蟹腳聞名,肉質飽滿肉甜多膏,適合料理、火窩、凍食、炭燒蟹腳、天婦羅等多種食法。 另一冬天食材之王係夢幻の魚「喜知次Kinki」,是可遇不可求的珍貴深海魚王。冬春兩季係盛產期,呢個時候的魚脂肥厚,肉質亦特別肥美。無論係汁煮、鹽燒定一夜乾,都一樣能特顯其肉質細嫩膠質豐富,皮同肉之間充滿著甘香油脂入口即化的美味。 最後仲有小編最愛的「海膽ウニ」,雖然一年四季都有得食,但因為海膽最喜歡食的昆布於冬天生長得最茂盛,亦令冬天的海膽特別肉厚肥美甘甜鮮味,成為小編推介的冬日美味三寶之一。

冬日暖意.溫泉宿泊

凍冰冰的冬天,溫暖笠笠泉當然必不可少,一泊二食就是王道,又等小編推介幾間俾你。 日本溫泉旅館百選NO.65的「登別石水亭」,體驗信樂燒陶製浴槽和檜木浴槽,頂樓辛夷館空中大浴場設廣闊大玻璃眺望登別美景。 「北湯沢森之SORANIWA」擁有全日本面積最大過萬呎的露天人工沙灘溫泉,有滑梯氣泡池等遊樂設施,大人小童都可以樂在其中。 擁有米芝蓮4亭閣評級的「北湯沢綠の風」於2015年開業,你可以在北湯澤豐富的自然景觀包圍中,靜靜的享受浸泡溫泉帶來的舒適。 想再住好啲,可以揀登別地區最豪華的「望樓」,國家元首也曾經下榻過。 由日本聞名的設計巨匠-中山眞琴先生精心設計打造,呈現出現代摩登與和式傳統揉合出來的日本風情。每間房間設有可眺望登別豐富自然景觀的私人展望溫泉池!

 

北海道冬天冷知識

1.)    北海道的冷靜與熱情之間
冬天去北海道要留意衣著,唔係叫你著夠衫,而係著啱衫。因為冬天北海道室內都有暖氣,室內外溫差可高達20~30度以上。所以你需要預備一件室外用的保暖大褸,而內裡就著一套室內衣著,穿著春秋裝的薄長袖就可以,等你進入室內時唔好熱親!
2.)    冬天最啱食雪糕
你去到北海道會發現週圍都賣雪糕,因為室外氣溫夠凍唔怕咁快溶,室內暖笠笠又會令你想食凍野。你仲會發現好多季節限定,記得去試下喇!
3.)    砌個雪人要幾尺高~?
當你一心要到北海道真現你的魔雪奇緣Elsa夢,大唱砌個雪人要幾尺高之時,你會發現係砌唔到架。!原來由於北海道啲雪係好乾嘅粉雪 powder snow,用黎滑雪就跌親都唔太痛,但砌雪人就唔會黐得埋,連想整個雪球掉你男朋友都整唔到!

開始你的漫遊北海道之旅

 

 

開始你的慢遊北海道之旅

; ;