「阿里山」嘅楓紅種類繁多、色澤多變，有齊青楓、楓香、台灣紅榨漆、山漆、台灣欒樹、紅楠等紅葉植物，隨住山區唔同嘅地勢形成迷人嘅紅葉浪潮。位於阿里山嘅「楓林峽」，仲可以眺望奮起湖全景，透過光崙山、霹靂山雙峰遙望大凍山，加添幾許詩意。想有更特別體驗，可以乘坐世界三大登山鐵路之一嘅「森林小火車」，由神木站到阿里山站，沿途賞紅葉，非常浪漫！

「清境農場」嘅青青草原同可愛綿羊固然出名，但原來近年亦變成新興嘅賞楓熱點之一！秋天嘅清境合歡山同樣係一片火紅，由於海拔較高，楓葉好快就會轉紅，豔紅嘅楓葉鋪滿成座合歡山，登上山頭，配合埋雲海同夕陽一齊欣賞，彷彿好似進入咗仙境一樣！